आजको मौसम : केही ठाउँमा भारी वर्षाको सम्भावना

काठमाडौँ – मनसुनी वायुको प्रभाव नेपालमा सामान्य रहेको छ ।

हाल देशभर आन्शिक देखि सामान्य वदली रही प्रदेश नं १, प्रदेश नं २, बागमती प्रदेश र गण्डकी प्रदेशका केहि स्थानमा तथा बाँकी प्रदेशहरुका एक वा दुई स्थानमा हल्का देखि मध्यम वर्षा भईरहेको छ।

मौसम पूर्वानुमान महाशाखाले देशभर सामान्य देखि पूर्ण बदली रही केही स्थानमा हल्का देखि मध्यम वर्षाको सम्भावना रहेको जानकारी दिएको छ । प्रदेश १, बागमती र गण्डकी प्रदेशका एक वा दुई स्थानमा मेघगर्जन सहित भारी वर्षाको सम्भावना रहेको छ ।

पहाडी भू-भागमा भू-क्षय, पहिरोको जोखिम रहेकोले सामान्य सतर्कता अपनाउनु मौसमविद्ले अनुरोध गरेका छन् ।