देशका विभिन्न भागमा विहानैबाट वर्षा

काठमाडौं- आज काठमाडौं उपत्यकालगायत देभका विभिन्न क्षेत्रमाबिहानैबाट पानी परिरहेको छ । प्रदेश १, प्रदेश २, वाग्मती प्रदेश र गण्डकी प्रदेशका विभिन्न क्षेत्रमा विहानैबाट पानी परिरहेको हो ।

मौसमविद् प्रतिभा मानन्धरका अनुशार वर्षा हुने क्रम विस्तारै वाग्मतीबाट प्रदेश १ तर्फ गइरहेको छ भने करिब ९ बजेसम्म काठमाडौंमा पानी पर्न छोडेर पूर्वतर्फ सर्नेछ । अन्य क्षेत्रमा सामान्य बदली रहेको छ र देशभर आज सामान्य वदली भइरहने पनि मानन्धरले जानकारी दिएकी छिन् ।

आजदिनभर पानी पर्ने र बादल लाग्ने क्रम चलिरहने तर घाम भने नलाग्ने उनको भनाइ छ । आज रातिबाट क्रमशः मौसम खुल्दै जाने मौसमविद् मानन्धरको भनाइ छ ।