देशका केही स्थानमा मेघगर्जनसहित पानी पर्ने

काठमाडौं – आज शुक्रबार देशका केहि स्थानको मौसममा बदली भई पानी पर्ने सम्भावना रहेको छ ।

बंगालको खाडीमा बनेको चक्रवात र स्थानीय वायुको प्रभावले आज दिउँसोपछि देशको केहि स्थानमा मेघगर्जन, चट्याङ र हावाहुरीसहित पानी पर्ने सम्भावना रहेको जल तथा मौसम पूर्वानुमान महाशाखाका जनाएको छ ।

आज देशको पूर्व, मध्य र पश्चिमी पहाडका केही स्थानमा बदली भई पानी पर्ने समभावना रहेको छ ।

त्यस्तै, आज राति पनि देशको मध्य र पश्चिमी पहाडका केही स्थानमा पानी पर्ने सम्भावना रहेको जनाइएको छ ।